به بۆنهى كۆچى دواییى خوالێخۆشبوو میر تهحسین بهگ میرى ئێزدییانهوه، بهڕێز نێچیرڤان بارزانى سهرۆك وهزیرانى ههرێمى كوردستان له پهیامێكدا پرسه و سهرهخۆشى له خانهوادهى میر و جڤاتى ڕووحانى و تهواوى ئێزدییان و گهلى كوردستان كرد، ئهمه دهقهكهیهتى:
ب ههلكهفتنا وهغهرا دویماهیێ یا خودێ ژێ ڕازى میر تهحسین بهگ، میرێ ئێزدییا، بههیدارى و سهرساخیێ ل مالبات و كهسوكارێت وى و جڤاتا ڕووحانى و ههمى خوشك و برایێت مه یێت ئێزدى و گهلێ كوردستانێ بگشتى دكهم. ههڤپار و ههڤخهمێن مالباتا وى و تهڤاهییا ئێزدییاینه.
میر تهحسین بهگ كو پترى حهفتێ سالێت چوویى میراتیا ئێزدییا ل كوردستانێ و جیهانێ كر، تهڤى كو دناڤ ئێزدییادا خودان پێگههـ و ڕۆڵهكێ جڤاكى و ئۆلى یێ دیار بوو، ههروسا د تهڤگهرا كوردایهتیێ و بتایبهتى ژى د شۆڕهشا ئهیلوولێدا خودانێ ڕۆل و بهشدارییهكا بهرچاڤ بوو، پشتى شۆڕهشێ ژى ژبهر ههلوێستێن خۆ دهربدهرى ولاتان بوو.
میر تهحسین بهردهوام دگهل جڤاكا كوردستانێ و عێراقێ و یا دهڤهرێ ژى د پهیوهندیێدا بوویه و ڕێز و پێگههێ وى یێ جڤاكى نه بتنێ دناڤ ئێزدییادا، بهلكى دناڤ جڤاكا كوردستانێ و یا عێراقێدا ژى دیار و بهرچاڤ بوویه و خودان تۆڕهكا بهرفرهها پهیوهندییا بوو. بهردهوام ههول دایه كو گیانێ پێكڤهژیانێ و ههڤقهبوولكرنێ دناڤ پێكهاتێن كوردستانێ و عێراقێدا خورتر و كوورتر بكهت.
بیرهاتنا وى ب خێر بیت و خودایێ مهزن ب دلۆڤانییا خۆ شا بكهت.
نێچیرڤان بارزانى
سهرۆك وهزیرێ ههرێما كوردستانێ
28/1/2019