Kurdistan Regional Government


 

نێچیرڤان بارزانى یادى له‌دایكبوونى پێغه‌مبه‌ر پیرۆز ده‌كات

له‌ په‌یامێكدا به‌ڕێز نێچیرڤان بارزانى، سه‌رۆك وه‌زیرانى هه‌رێمى كوردستان، یادى له‌دایكبوونى حه‌زره‌تى پێغه‌مبه‌ر محه‌مه‌د(د.خ)، پیرۆز كرد، ئه‌مه‌ ده‌قه‌كه‌یه‌تى:

یادى له‌دایكبوونى حه‌زره‌تى پێغه‌مبه‌ر محه‌مه‌د (د.خ)، له‌ ته‌واوى موسڵمانان له‌ هه‌رێمى كوردستان و عێراق و جیهان پیرۆز بێت. هیوادارم ئه‌م یاده‌ به ‌خێر و خۆشى بۆ هه‌مووان بگه‌ڕێته‌وه‌ و هه‌موو لایه‌ك بیكه‌نه‌ ده‌رفه‌تێكى تر بۆ هه‌وڵدان و كاركردن له‌پێناو جێگیربوون و قووڵبوونه‌وه‌ى زیاترى كولتوور و گیانى ئاشته‌وایى و لێبورده‌یى و چه‌مكه‌ مرۆییه‌كان له‌ناو پێكهاته‌كانى كوردستان و عێراق و جیهانى ئیسلامدا به‌گشتى.

دووباره‌ ئه‌م یاده‌ له‌ هه‌موو موسڵمانان پیرۆز بێت.

نێچیرڤان بارزانى
سه‌رۆك وه‌زیرانى هه‌رێمى كوردستان
19/11/2018