حکومەتی هەرێمی كوردستان
WED, 24 JUL 2019 08:07 Erbil, GMT +3




Important notice: This is KRG's old cabinet website.
For updated information about Kurdistan Regional Government
visit GOV.KRD please

قوباد تاڵەبانی پێشوازی لەشاندێكی وەزارەتی دەرەوەی ئەمەریكا كرد

THU, 9 MAY 2019 18:11 | KRG Cabinet

به‌ڕێز قوباد تاڵەبانی جێگری سەرۆك وەزیرانی هەرێمی كوردستان لەگەڵ شاندێكی وەزارەتی دەرەوەی ئەمەریكا، پێكهێنانی كابینەی نوێ و پەیوەندییەكانی هەرێم و بەغدای تاوتوێ كرد.

به‌ڕێز دەیڤید ساترفیڵد یاریده‌ده‌ری وەزیری دەرەوەی ئەمەریكا بۆ كاروباری ڕۆژهەڵاتی ناوەڕاست سەرۆكایەتیی شاندە ئەمەریكییەكەی كرد و لە كۆبونەوەیەكدا لەگەڵ به‌ڕێز قوباد تاڵەبانی كە ئەمڕۆ 9 ئایاری 2019 لەهەولێر بەڕێوەچوو، پشتیوانی تەواوی خۆیان بۆ خێراكردنی هەنگاوەكانی پێكهێنانی حكوومەتی هەرێم دووپات كردەوە و رایانگەیاند بەگرنگییەوە لەو پرسه‌ دەڕوانن.

سەبارەت بە په‌یوه‌ندییه‌كانی نێوان هەرێم و بەغداش، شاندی میوان پاڵپشتیی بەهێزكردنی پەیوەندییەكانی هەردوولا و پەرەپێدان و باشكردنی ئه‌و په‌یوه‌ندیانه‌یان دووپات كرده‌وه‌.

لەدیدارەكەدا جووی هوود هەڵسوڕێنەری كاروباری باڵیۆزخانەی ئەمەریكا لە عێراق و ستیڤ ڤاگن كونسوڵی ئەمەریكا لە هەولێر و جەنەڕاڵ پاول لاكامێرا بەرپرسی ئۆپه‌ڕاسیۆنە سەربازییەكانی دژی داعش، ئامادە بوون.



بابه‌ته په‌یوه‌ندیداره‌کان