حکومەتی هەرێمی كوردستان
SAT, 20 JUL 2019 19:13 Erbil, GMT +3




Important notice: This is KRG's old cabinet website.
For updated information about Kurdistan Regional Government
visit GOV.KRD please

قوباد تاڵەبانى و محەمەد حەلبووسی تاوتوێى پەیوەندییەکانى هەولێر و بەغدایان کرد

MON, 4 FEB 2019 12:20 | KRG Cabinet

پاش نیوەڕۆی ئەمڕۆ دووشەممە ٤ شوباتى ٢٠١٩ بەڕێز قوباد تاڵەبانی جێگری سەرۆک وەزیرانی هه‌رێمی كوردستان، دیدارێكی له‌گه‌ڵ بەڕێز محەمەد حەلبووسی سەرۆکی ئەنجومونی نوێنەرانی عێراق ئه‌نجامدا.

لە دیدارەکەدا هەردوولا گفتوگۆیان ده‌رباره‌ی پەیوەندییەکانی نێوان ھەرێم و بەغدا، دوا گۆڕانکارییەکانى ڕەوشى سیاسیی عێراق و ناوچەکە كرد و له‌مباره‌یه‌وه‌ بەڕێز قوباد تاڵه‌بانی به‌ پێویستی زانی هه‌ماهه‌نگییه‌كی زیاتر له‌نێوان ھەرێم و بەغدا ھەبێت و کێشە ھەڵپەسێردراوەکان لەسەر بنەمای یاسا و دەستور چارەسەر بکرێن.

به‌ڕێزیان هه‌روه‌ها ستایشی ھەوڵەکانی ئەنجومەنی نوێنەرانی عێراقی كرد لە پەسەندکردنی پڕۆژە یاسای بودجەی عێراق و ڕاگرتنی هاوسه‌نگی و بڕیاردان له‌ به‌رژوه‌ندیی گشتی.
 
لای خۆیه‌وه‌ به‌ڕێز سه‌رۆكی ئه‌نجومه‌نی نوێنه‌رانی عێراق دووپاتی كرده‌وه‌ کە ھەموو ھەوڵێک دەدەن بۆ ئەوەی ھاوسەنگی ھەبێت لە عێراق و مافی ھەموو پێکھاتەکانی عێراق به‌پێی یاسا به‌ركاره‌كان و ده‌ستووری عێراق پارێزراو بێت.
 



بابه‌ته په‌یوه‌ندیداره‌کان