حکومەتی هەرێمی كوردستان
THU, 22 AUG 2019 23:56 Erbil, GMT +3




Important notice: This is KRG's old cabinet website.
For updated information about Kurdistan Regional Government
visit GOV.KRD please

نێچیرڤان بارزانى سالڤه‌گه‌ڕا دامه‌زراندنا بنگه‌هێ لالش پیرۆز دكه‌ت

SUN, 12 MAY 2019 09:05 | KRG Cabinet

ڕێزداران ل دەستەیا بلندا بنگەهێ لالش ـ دهۆك

(26)ـه‌ه‌مین سالڤه‌گه‌ڕا دامه‌زراندنا بنگەهێ لالش ل وه‌ و هه‌مى ئەندام و كادر ول ته‌ڤایا بنگه‌ھ و نڤیسینگه‌هێن وه‌ و كوردێن ئیزدى بگشتى پیرۆز دكه‌ین.

بنگەهێ لالش كو كانیەكا زەلالە دهورتە د ڕووبارێ ڕەوشەنبیریا كوردیدا، (26) سالێن بوورى دگه‌ل هه‌مى ئالۆزی و ئاسته‌نگیان، ب هه‌ول و ماندیبوونا كادر و ڕەوشەنبیر و ئەكادیمى و خەمخۆرێن كولتوور و جڤاكا ئێزدی، به‌رده‌وام پێشكه‌تیه‌ و جھ و بنگه‌هه‌كێ دیار د سازی یێن هـەرێما كوردستانێدا گرتیه‌.

ژبۆ خزمەتا ئێزدییان و جڤاك و سازیێن وان، حكوومەتا هەرێما كوردستانێ دێ لسه‌ر پشته‌ڤانیكرنا بنگه‌هێ لالش و سازی یێن دی یێن ئێزدییان به‌رده‌وام بیت داكو سه‌رفراز و ب ئارامى ل سەر ئاخا خوە، نێزیكى پەرستگەهـ و پیرۆزی یێن خوە ل كوردستانێ، لسه‌ر ژیان و كار و خەباتێن خوە به‌رده‌وام بن و پێشڤه‌ بچن.

ئه‌م جاره‌كا دى وه‌ پشتڕاست دكه‌ین هندى خوشك و برایه‌كێ ئێزدی یێ ڕه‌ڤاندى ل هه‌ر جهه‌كێ مابیت، دێ هه‌مى هه‌ولا ژبۆ ڕزگاركرنا وان ده‌ین، هه‌روه‌سا دێ لسه‌ر كه‌یسا بجینۆسایدناساندنا كارەساتا شنگالێ لسه‌ر ئاستا نێڤده‌وله‌تى به‌رده‌ام بین و دێ هه‌مى هه‌ولا ده‌ین كو شنگال و ده‌ڤه‌رێن دى یێن ئێزدییان بێنه‌ ئاڤه‌دانكرن و ته‌ناهی و ئارامى بۆ وان ڤه‌گه‌ڕیت.

دوباره‌ سالڤه‌گه‌ڕا دامەزراندنا بنگەهێ لالش پیرۆز بیت، هیڤیا بەردەوامى، پیشڤەچوون و سه‌ركه‌فتنێ ژبۆ وە دخوازین.

نێچیرڤان بارزانى
سه‌رۆك وه‌زیرێ هه‌رێما كوردستانێ
12/5/2019



بابه‌ته په‌یوه‌ندیداره‌کان