Hikûmeta Herêma Kurdistanê
WED, 21 OCT 2020 18:43 Erbil, GMT +3




Important notice: This is KRG's old cabinet website.
For updated information about Kurdistan Regional Government
visit GOV.KRD please

Xurtkirina pêwendiyên navbera hêza pêşmerge, hêzên pirnetewe û artêşa Iraqê li Silêmaniyê hatin gotûbêj kir

MON, 20 APR 2009 01:04 | PUK Media

Duhî cîgirê serokê herêma Kurdistan Kosret Resul Elî bi amadebûna cîgirê serokwezîrê Iraqê Berhem Ehmed Salih pêşwazî li fermandararê hêzên pirnetewe yên li Iraqê Rimond Oderno û şandeyê pê re kir.

Di civînê de ku li Silêmaniyeyê hate sazkirin, gotûbêj li ser xurtkirina pêwendiyên navbera hêzên pirnetewe, pêşmerge, artêşa Iraqê û çawaniya hemahengîkirinê ji bo bicîhanîna karûbarên girêdayî parastina aramî û ewlekariyê li serdanserê Iraqê, hate kirin.

Cîgirê serokê herêmê Kosret Resûl Elî tekîd kir ku herêma Kurdistanê, nemaze hêza pêşmerge ji bo bidestxistina aramî û ewlekariyê li seranserê Iraqê, amadeyê her alîkariyekê ye.
Di berdewamiya axaftina xwe de Elî serdana Oderno bo herêma Kurdistanê bi girîng wesif kir û hêvî kir ku ji bo xurtkirina têkiliyan, serdanên vî awayî berdewam bin.
Paşê General Oderno qala giringiya pêwendiya navbera hêzên pirnetewe, hêzên pêşmerge û artêşa Iraqê kir û bi faktoreke sereke ya dabînkirina aramî û ewlekariya Iraqê wesif kir. Her wiha rola hêza pêşmerge di prosesa azadkirina Iraqê û rûbrûbûna terorîstan de bilind nirxand.

Her yek ji endamê polîtburoya PDK-ê Zeîm Elî, wezîrê pêşmerge Cafer sêx Mistefa, serokerkanê artêşa Iraqê Babekir Zêbarî û hin berpirsên din yên hêza pêşmerge û artêşa Iraqê di civînê de amade bûn